Shankar Mahadevan Breathless Lyrics - Breathless Song from Shankar Mahadevan "Breathless" Album. Breathless Song lyrics written by Javed Akhtar and Produced by Shankar Mahadevan. The Song was Released on 31 December, 1998.
Breathless Lyrics
Koi jo mila to mujhe aisa lagta tha
Jaise meri saari duniya mein
Geeton ki rut aur rangon ki barkha hai
Khushboo ki aandhi hai
Mahki hui si ab saari fizaayein hai
Bheki hui si ab saari havaayein
Khoyi hui si ab saari dishaayein hai
Badli hui si ab saari adaayein hai
Jaagi umange hai
Dhadak raha hai dil
Saanson me toofa hai
Hothon pe nagme hai
Aankhon me sapne hai
Sapno me beete huye
Saare woh lamhe hai
Jab koi aaya tha
Nazro pe chaaya tha
Dil me samaya tha
Kaise mai bataun tumhe
Kaise use paaya tha
Pyaare se chehre pe
Bikhri jo zulfein
To aisa lagta tha
Jaise kohre ke peeche
Ek os me dhula hua
Phool khila hai
Jaise baadal me ek chaand chupa hai
Aur jhaank raha hai
Jaise raat ke parde me
Ek savera hai roshan, roshan
Aankhon me sapno ka
Saagar jisme
Prem sitaaron ki
Chaadar jaise jhalak rahi hai
Lahro, lahro baat kare to
Jaise moti barse
Jaise kahi chaand ki paayal goonje
Jaise kahi sheesh ke jaam gire
Aur chann se tootey
Jaise koi chip ke sitaar bajaye
Jaise koi chaandani raat me gaaye
Jaise koi haule se paas bulaye
Kaisi meethi baate thi wo
Kaisi mulakate thi woh
Jab maine jaana tha
Nazro se kaise pighalte hai dil
Aur aarzoo paati hai kaise manzil
Aur kaise utarta hai
Chaand zameen par
Kaise kabhi lagta
Hai swarg agar hai to
Bas hai yahi par
Usne banaya mujhe
Aur samjhaya mujhe
Hum jo mile hai
Humein aise hi milna tha
Gul jo khile hai
Unhe aise hi khilna tha
Janmo ke bandhan
Janmo ke rishtey hai
Jab bhi hum jamne to
Hum yuhi milte hai
Kaano me mere jaise
Shahad sa ghulne lage
Khwaabo ke dar jaise
Aankhon me khilne lage
Khwaabo ki duniya
Bhi kitni hasi
Aur kaisi rangee thi
Khwaabo ki duniya jo
Kehne ko thi par
Kahi bhi nhi thi
Khwaab jo toote mere
Aankh jo khuli meri
Hosh jo aaya mujhe
Maine dekha maine jaana
Wo jo kabhi aaya tha
Nazro pe chaaya tha
Dil me samaya tha
Jaa bhi chuka hai
Aur dil mera hai ab tanha, tanha
Na to koi armaa hai na koi tamanna hai
Aur na koi sapna hai
Ab jo mere din aur
Ab jo meri raate hai
Unme sirf aansoo hai
Unme sirf dard ki ranjh ki baate hai
Aur faryaade hai
Mera ab koi nahi
Mai hu aur khoye hue
Pyaar ki yaddein hai
Mai hu aur khoye hue
Pyaar ki yaddein hai
Mai hu aur khoye hue
Pyaar ki yaddein hai
Huuh!
Written By: Javed Akhtar
Details About Breathless Song
Song Title: Breathless
Artist: Shankar Mahadevan
Written By: Javed Akhtar
Produced By: Shankar Mahadevan
Release Date: December 31, 1998
Music Label: Saregama
0 Comments